Buka Bareng Anak Smunel (Bahasa Jambi Bebas)

Para Pembaca yang saya hormati, tulisan di bawah ini merupakan Lapanta (Laporan Pandangan Mata) akan kegiatan saya, berbuka, bersama teman-teman saya ketika saya di sekolah menengah atas dahulu. Tulisan ini menggunakan bahasa tempat dimana saya besar, di Jambi, Bahasa Jambi.

Bahasa Jambi erat sekali dengan Bahasa Melayu, mungkin juga merupakan bagian dari Bahasa Melayu itu sendiri.

Kegiatannya diadakan di Warung Jogja, depan Tugu Juang, Sipin, Kota Jambi, pada tangga 4 Agustus 2013, Ramadhan 1434 H, pada hari Minggu, beberapa hari sebelum Ramadhan 1434 H berakhir.

Tulisan ini murni tidak mengalami perubahan, sebagaimana yang saya tuliskan di “note” grup Alumni Smunel 2004 Kota Jambi. Selamat membaca :)

Spanduk Grup Alumni Smunel 2004 Jambi oleh: Yudi S

Spanduk Grup Alumni Smunel 2004 Jambi oleh: Yudi S

Bissmillahirrahmanirrahim,
Assalamualaikum wr. wb.

Tau dak kalau dalam kumpul mengumpul memang masing-masing punyo andil. Walaupun awak datang telat tapi paling dak ado yang bisa dibuat dari acaro pul ngumpul-ngumpul.

Tulisan ini aku buat pake gayo Jambi bae dak, biak teraso awak ko emang orang jambi, besak di jambi tapi dak lahir di Jambi.
Aku pakai istilah penyimak bae kalau dalam acaro pul ngumpul-ngumpul tadi tu.
Tulisan ini jugo aku buat pas aku la makan cendol di rumah, setelah di anter Dodi yang baek hati dan rendah hati, yang sekaligus juga menjadi kepalo suku grup ePBe atau kalau kato Yudi, sebagai ketuo almuni Smunel angkatan awak ko ini.

Tulisan ini juga aku buat sebagai pelampiasan apo yang ado di otak aku, jadi gayo tulisannyo juga agak-agak bebas. Biak la, awak samo awak jugo di siko-ko. Walaupun tulisan ini bakalan aku publikasikan di blog aku ini,  sebagai pendukung apa yang ado di blog aku ini.

La tau kan, paragraph yang di atas itu baru curhatan aku bae buat kamu-kamu ini, aku kan dak banyak cerito tadi tu, mangkunyo aku jadi curhatan di sini. Ah dak jadi la aku kirim di blog aku, aku jadiin bae di “note” grup ini.

La, la bosan belum baco tulisan aku ini, kalau la tutup la lagi ePBe ini :D.

Iyo la tulisa dikit bae apa yang ado di acara tadi tu.

Oh yo, biak la ini jadi “note” dulu nanti aku bikin yang manisan dikit, setelah si Yudi mengunggah (kalau kato orang jambi itu, Upload) poto-poto acaro tadi.

Isi tulisan…

Acaro kayaknyo diumumin samo si Yudi. Trus yang bayaran aku makan ayam bakar tadi dak tau siapo yang jelas aku makan gratis tadi tu, samo dapat aek botol samo botol yang isinyo teh, teh botol. Aku datang jam 7 kurang dikit. Semuonyo la pado makan ayam-ayam itu.

Yang bikin aku agak terharu itu, pas aku datang aku ketemu Irul (dak tau namo aslinyo :D ), trus alu masok ke dalam wong jogja di tugu juang. Sebelumyo aku juga pernah buko puaso juga di sini, ntah kapan, ntah samo siapo lupo, mungkin 2 tahun yang lalu.

Pas Aku salam-salamin sikok-sikok, pada tau semuo namo aku, padahal aku dak tau namo siapo bae yang aku salamin :D. Entah pado kenal samo aku, entah ada sikok orang nyebotin namo aku, trus yang lain tau namo aku. ai ntah la…

Lanjut..
Peserta gelombang pertamo yang ado, ado la kiro-kiro 10 orang. Katonya ado duo orang cewek yang datang, ari legok, samo siapo… gitu. Awak datang la dak ado, padahal ngarap nian ado cewek, masak ketemu cowok terus.

Ah lanjut bae ceritonyo.

Pas datang, awak tengok ada banyak ayam bakar nganggur, langsung la awak ambe makan. Jadi la… Awal lagi enak-enak makan, gelombang pertamo balek dulu. Maap oi, awak ko masih ingat muko, tapi namo sikok-sikok masih perlu di rabo-rabo dulu. Jadi kalau yang ngeraso hadir tadi tu, bikin komentar bae la di siko, biak nanti awak bikin yang agak manisan dikit.

Lanjut…

Awak enak makan, gelombang pertamo pado balek, terus aku dak sempat salamin sikok-sikok, maklum la lagi enak makan.

Meja makannyo memanjang. Awalnya awak bepisah-pisa, 5 orang kiri, 5 orang kanan. Trus, jadi ngumpul sesi 2 orang. Ado 10 orang di sesi duo itu. Yang ngeraso ado di sesi duo, nyaut be disiko.

Enak la ngobrolnyo…

Si Yudi, jadi ketuo sidang, yang mengukuhkan si Dodi F, jadi kepalo suku. Dodi menang kepilih jadi kepalo suku dak ado pesaingnyo. Awak cumo biso nyengir-nyengir bae. kayaknyo yang paling semangat sisi kanan awak, ngemilih si Dodi, termasuk si ketuo sidang, iyo kali ya, ntar ralat dewek be.

Lanjut,

Mau milih sekretaris dan bendahara, tu si Yudi la buat update status siapo bae kepilih.

Ah itu bae la,

Penutup

Cerito di atas namonya Lapanta (Laporan Pandangan Mata). Awak ko berharap, yang dak datang ke acaro tadi biso ngerasoin kayak mano acaro tadi, paling dak ado la gambarannyo dikit. Dikit jadi la. Tunggu be poto-potonyo. Khususnyo yang ada di seberang lautan, atau seberang sungai Batanghari jadi jugo…

Kalau sempat, mungkin awak bikin la laporannyo yang agak manisan dikit, maklum oi, sayang nian malam-malam terakhir kalau dak ngejar i’tikaf. Jadi aku ralat tulisan di atas, kalau bakalan bikin yang agak bagusan dikit, tapi dibikin kalau sempat. Mungkin kalau la balek ke Bandung, kalau awak rindu kamu semuo la.

Ado ungkapan dari orang arab yang diterjemahkan ke dalam Bahaso Inggris, tapi awak dak ingat persis kato-katonyo. Pado intinyo:
“Friends is like a jewel. Age will mellow and refine them”
Artinyo:
Teman itu kayak perhiasan. Waktu yang bikin indah dan memberitahu betapa indahnya pesahabatan itu.

Maksudnyo, Namonyo perhiasan itu kan makin lamo makin mahal, perhiasan asli yo…
Nah, semakin lamo pertemanan itu makin mantap la.
Sudah yo.

Assalamualaikum wr wb.

This article is belongs to the author of below name sign. This article is written as a purposed to my best friends, how priceless is a friendship. Love to meet you all, thank you for the kindness who has pay for the bill. I do not know who is it. Another message of this article is, lets “fastabiqul khoirat”. You may use google translate to understand what the Indonesian of this paragraph.
Love you and miss you.
Kurang lebih awak minta maap nian, harap maklum :D.
Ridha Harwan
tarjiem.com
Cat: Mohon untuk tidak merubahnya, cukup aye aje ye… :)

Tags:

Leave a Reply